Genesis*

Caput 27: Versus 6-13

Dixit filio suo Jacob: Audivi patrem tuum loquentem,etc. Allegorice. Per duos haedos confessionem peccatorum gentilis populi et poenitentiam possumus accipere. Haedi optimi, quia confessio peccatorum et poenitentia valde est Deo acceptabilis. Unde Luc. 15:Gaudium erit in coelo super uno peccatore poenitentiam agente,etc.Historice.Per unum peccatorem populum gentium, per nonaginta novem justos, Judaeos intelligit qui sibi videbantur justi in observantia legis. Unde Luc. 16:Ut quid justificatis vos coram hominibus,etc.; qui imperfecto numero ponuntur, quia nullum ad perfectum adduxit lex.
(* Traductions européennes)