Glose
Timor Domini gloria,etc.Beatus vir qui timet Dominum, in mandatis ejus cupit nimis. Gloria et divitiae in domo ejus[Psal. 3.], etc.Timor Domini.Duae species sunt timoris. De altera dicitur,Timor[non est in charitate]animae in charitate,[Joan. 4.], etc. Qui hunc habent propter metum gehennae peccare desinunt, et vitam corrigunt: hic introducit charitatem, sed et foras mittitur. Qui enim sic timet, nondum amat nec desiderat bona, sed cavet mala; sed tamen se corrigit, et bona desiderare incipit. De altera scriptum est,Timor Domini sanctus permanet in saeculum saeculi[Psal. 18.]. Timet enim unusquisque ne amittat bona, et Dei praesentiam, quae in aeternum frui desiderat, de quo dicitur:
