Leviticus*
Caput 16: Versus 10
In solitudinem.Id est in sinum Patris, quo nullus accedit nisi ipse et Spiritus sanctus. Abiit ergo, id est, operandi virtutem cohibuit, et portavit iniquitates nostras, non ut haberet, sed ut consumeret.Deus enim ignis consumens est.In solitudinem, de qua dicitur:In terra deserta invia et inaquosa,etc.[Psal. 62.]Ibi hostis locum non habet, ubi Deus manet. In coelum enim divinitas tempore passionis abiisse dicitur; non locum mutans, sed quodammodo virtutem cohibens, ut possent impii consummare passionem.